ــ[ رباعيات صلاح جاهين ]ــ
عبـــــــــــــــــــــــــــــــــــــــــــــير الإســـــــــــــــــــــــــــــــــــــــلام :: الاقسام الادبية والثقافية :: منتدي الادب والشعر
صفحة 1 من اصل 1
ــ[ رباعيات صلاح جاهين ]ــ
خرج ابن آدم من العدم قلت : يــــاه
رجع ابن آدم للعدم قلت : يــاه
تراب بيحيا .. وحي بيصير تراب..
الأصل هو الموت و الا الحيـــاه ؟
عجبي !!!
::::::::::
ضريح رخام فيه الســــعيد اندفن
و حفره فيها الشــــريد من غيــر كـفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
:::::::::::
ياما صادفت صـحاب و ما صاحبتـــــهمش
و كاســات خمور و شـــراب و ما شـــربتهمش
أندم علي الفرص اللي انا سبتهم
و الا علي الفـرص اللي ما ســـبتهمش
عجبي !!
::::::::::::::
و الكون ده كيــف موجـود من غيــر حدود
و فيه عقارب ليه و تعابين ودود
عالم مجرب فات و قال سلامات
ده يـاما فيه ســؤالات من غير ردود
عجبي !!!
::::::::::::
أنا شاب لكن عمــري ألــف عـام
وحيــد لكن بــين ضــلوعي زحام
خايف و لكن خوفي مني أنا
أخـرس و لـكن قـلبي مليـــان كـلام
عجبي !!!!
::::::::::::
يا بــاب يا مقفول ... إمتي الدخـول
صبـــرت ياما و اللي يصــبر ينول
دقيت سـنين .. و الرد يرجع لي: مين ؟
لو كنـت عـارف مـين أنــا كـنت أقول
عجبي !!!
:::::::::::
أحب أعيش ولو في الغابـات
أصـحي كـما ولدتـني أمي و ابات
طائـر . حوان.. حشرة .. بشر ..بس أعيش
محـلا الحياة.. حتي في هيئة نبات
عجبي !!
Al_maroof- نائب مدير
- منتدي عبير الاسلام
مساهماتي : 14235
نقاطي : 22524
تسجيلي : 30/10/2011
مزاجي : محتسب وحامد لربي
رد: ــ[ رباعيات صلاح جاهين ]ــ
سهير ليــالي و يـاما لفيت و طـفت
و ف لـيـه راجـع في الضــلام قـمت شــــفت
الخوف ... كأنه كلب ســد الطريق
و كنت عاوز أقتــــله .. بـس خـفت
عجبي !!
:::::::::::::::
كان فيــه زمان ســــحليه طول فرســخيـن
كهفيــن عيونــها و خشــمها بربخيـــن
ماتــت لكيـن الرعب لم عمره مات
مـع إنـــه فـات بــدل التاريخ تاريخين
عجبي !!
::::::::::::
عجبتـــني كـلمة من كـــلام الورق
النــور شــرق من بــين حروفــها و بــرق
حبيت أشيلها ف قلبي .. قالت حرام
ده أنــا كل قلب دخلت فيــه اتــحرق
عجبي !!!
:::::::::::
رقبه قزازة و قلبي فيها انحشـر
شـــربت كـاس و اتـنين و خــامس عشـر
صاحبت ناس م الخمرة ترجع وحوش
و صــاحبت ناس م الخمرة ترجع بشــر
عجبي !!!!
::::::::::::
ليه يا حبيبتي ما بيننا دايما ســفر
ده البـعد ذنــب كبيـر لا يــغتـفر
ليه يا حبيبتي ما بيننا دايما بحور
أعــدي بـــحر ألاقــي غيـــره اتحفر
عجبي !!!
:::::::::::::
ورا كل شـــباك ألف عيـن مفتوحيــن
و انــا وانتي ماشــيين يا غرامي الحزيـن
لو التصقنا نموت بضربة حجـر
و لو افتــرقنا نموت متحســرين
عجبي !!!
::::::::::::::::
نـوح راح لحالــه و الطوفـان اســتمر
مركبنـــا تايــهه لسه مش لاقيه بر
آه م الطوفان وآهين يا بر الأمان
إزاي تبـان و الدنيا غرقـــانه شــــر
عجبي !!
::::::::::::::
عـلي رجـلي دم .. نــظرت له ما احتــملت
علي إيــدي دم.. سألت ليـه ؟ لم وصـــلت
علي كتفي دم.. و حتي علي رأسي دم
أنا كلي دم .. قتــلت ؟ ... والا اتقتلت
عجبي !!
:::::::::::::
انا كل يوم أسمع ........ فلان عذبــوه
أســرح في بغداد و الجزايـر واتوه
ما أعجبش م اللي يطيق بجسمه العذاب
و اعجب من اللي يطيــق يــعذب أخــوه
عجبي !!!
Al_maroof- نائب مدير
- منتدي عبير الاسلام
مساهماتي : 14235
نقاطي : 22524
تسجيلي : 30/10/2011
مزاجي : محتسب وحامد لربي
رد: ــ[ رباعيات صلاح جاهين ]ــ
ينبــوع و في الحواديــت أنا سمعت عنــه
إنــه عجيــب .. و ف وســـط لهاليب لكنه
شقيت كما الفرسان طريقي .. لقيت
حــتي الخنـــازير و الكلاب شــربوا منـه
عجبي !!!!
:::::::::::::::
يـا قـرص شــمـس ما لهــش قبــة سـما
يــا ورد مـن غيـــر أرض شــب و نما
يا أي معني جميل سمعنا عليه
الخـلق ليــه عايشـين حياه مؤـلمة
عجبي !!!
::::::::::::::
شــاف الطبـيب جـرحـي وصــف لـه الأمـل
وعطــاني منــه مقام يا دوب مـا اندمل
مجروح جديد يا طبيب و جرحي لهيب
ودواك فـرغ مـني .... و إيـه العمل
عجبي !!!
:::::::::::::
أعــرف عيــون هي الجمال و الحســن
و اعرف عيــون تـاخد القلوب بالحضــن
و عيون مخيفة و قاسية وعيون كتير
وباحــس فيــهم كـــلهم بالحزن
عجبي !!
:::::::::::
إيـش تـطلبـي يــا نفـس فوق كل ده
حظـك بيضــحك و انتي مـتنكده
ردت قالت لي النفس : قول للبشر
ما يبــصولـيش بعيـون حزينة كده
عجبي !!
::::::::::::
إقلع غمــاك يا تـور وارفـض تـلف
إكســر تــروس السـاقية و اشــتم وتف
قال : بس خطوة كمان .. وخطوة كمان
يا اوصــل نهاية الســكة يا البـــير تجف
عجبي !!!
::::::::::::
يا حزيــن يا قمقــم تحت بــحر الضـياع
حزيــن أنـا زيـك و إيه مسـتطاع
الحزن ما بقالهوش جلال يا جدع
الحـزن زي البـــرد ... زي الصــداع
عجبي !!!!
:::::::::::::
في يوم صــحيت شــاعر بــراحة و صـفا
الـهم زال و الحـزن راح و اختفي
خدني العجب و سألت روحي سؤال
أنـا مـت ؟ و لا وصـلت للفلسفة
عجبي !!!
:::::::::::
الفيـــلسوف قاعد يـفكر سيبــوه
لا تــعملوه ســـلطان و لا تصـــلبوه
ما تعرفوش إن الفلاسفه يا هوه
الـلي يقــولوه بيرجعوا يكدبوه
عجبي !!!
::::::::::::::
علي بعد مليــون ميـل من أرضــنا
من الفــراغ الكــوني بصـيت أنـا
لا شفت فرق بين جبال و بحور
و لا شــفت فـرق ما بــين عذاب أو هنـا
عجبي !!
::::::::::::::
إنســان أيــا إنســـان مــا أجـهـلك
ما أتــفهك في الـكون و ما أضــألك
شمس وقمر و سدوم و ملايين نجوم
و فــاكرها يــا موهـوم مخلوقه لك
عجبي !!
:::::::::::::
نظـرت فـوق للنــجوم و انا ســاير
رجليــا عترت في الحفر و الحجايــر
بقيت أقول و انا ع التراب: يا سلام
مـش بـس عبــره أخذت لكن عبايــر
عجبي !!!
:::::::::::::::
- يا نـجم .. نـورك ليـه كده بيرتـجف ؟
هو انـت قنديــل زيــت ؟ أو تـختـــلف
- أنا نجم عالي .. بس عالي قوي
و كـل مـا انــظر تـحـت اخــاف انــحدف
عجبي !!!!
::::::::::::::
الســم لو كان في الدوا منــين يضـر ؟
و الـموت لـو عدونـا .. منــين يسـر؟
حط القلم في الحبر و اكتب كمان
.. و العبــد للشهــوات .. منــين هو حر؟
عجبي !!!
::::::::::::::::
وقفت بين شــطين علي قنـطـــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقـــــــاس بالمســـــــــــطرة
عجبي !!!
:::::::::::::
ســــرداب في مســتشــفي الولاده طويـــل
صـــرخات عـذاب ورا كـل بــاب وعويــــل
.. وفي الطــــــريق متزوقين البنات
متزوقـــــــــــــين للـحب و المواويـل
عجبي !!
:::::::::::::::::
الدنيـا أوده كـــــــــــبيره للانتـظار
فيــها اـبن أدم زــيه زي الحـــــــمار
الهم واحد .. و الملل مشــــــترك
و مفيـــش حمار بيــــحاول الانتـــــحار
عجبي !!
::::::::::::::::
أيــوب رمـاه البـين بكل العـــــــــلل
ســبع ســـنين مرضــان وعنــده شـــــلل
الصــــبر طيب .. صبر أيوب شفاه
بــس الأكـــــــــاده مــات بـفعل الملل
عجبي !!!
:::::::::::::::
نســمة ربيــع لكن بتــكوي الوشــــــــوش
طيـور جميــلة بـس من غير عشـــوش
قلوب بـتـخفق إنما وحـــــــــــــــــدها
هي الحيـــاه كـده .. كـلها في الفـاشــوش
عجبي !!!!
:::::::::::::::::
يـا طيــر يـا عالي في الســـــما طـظ فـيـك
ما تفتــكرشـي ربــنا مصــطـــــــــــــفيك
برضــــــك بتاكل دود و للطين تعًًًًودً
تمـــــــــص فيـه يـا حـلو .. و يمـص فيــك
عجبي !!!
Al_maroof- نائب مدير
- منتدي عبير الاسلام
مساهماتي : 14235
نقاطي : 22524
تسجيلي : 30/10/2011
مزاجي : محتسب وحامد لربي
رد: ــ[ رباعيات صلاح جاهين ]ــ
كـــــــروان جريح مضروب شعاع م القمر
سقط من السـموات فؤاده انكســـــــــر
جريت عليه قطه علشان تبلعـــــــــــه
أتاريه خيـال شعراء و مالهـــــوش أثر
عجبي !!!
:::::::::::::::::
ياللي نصحت الناس بشــــــــــــــرب النبيت
مــع بـــنت حلوه .. وعـــود , وضحك , وحديت
مش كنت تنصـحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!
:::::::::::::::::
ما حد في الدنيا واخد جزاتــــــــــــــــــه
و لا حــــــــــــــــد بيفكر في غيـر لذاذاته
ما تعرفيــش يا حبيبتي .. أنا و انتي ميــــن؟
إنتي عروس النيـــل ... و أنا النيـــل بذاتـه
عجبي !!
:::::::::::::::::
رقاصــــه خرســـا و رقصــه من غير نغــم
دنيا . . يا مين يصالحها قبل النـــــدم
سـاعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!
::::::::::::::::::
إخطفني يـاللي تحبـــني ع الحصـــان
الدنيــا قالت يوم في مـاضي الزمـان
إخطفني ياللي تحبـــني ع الـــــفرس
الدنيــا قالت .. قام خطفها الشيطان
عجبي !!!!
:::::::::::::::::
من بيــن شـــقوق الشــيش و شــقشـــقت لـك
مع شـــهقة العصـــافيـر و زقزقـــــــت لك
نـــهار جديـد انا . . قوم نشـوف نعــمليه
انا قلت يا ح تقتلني .. يا ح اقــــــــتلك
عجبي !!!
::::::::::::::::
جالـــك أوان ووقفت مــوقف وجـــــود
يا تجود بده يا قلبي يا بده تجــــود
ما حد يقدر يـــبقي علي كل شـــــــئ
مع إن – عجـبي – كل شــــــئ مـوجـود
عجبي !!!
::::::::::::::
جـالك اوان وعرفـت مـشـي الجنايــــــــز
كيف شفتها يا عبد رب اللذايــــــــــــذ
قال : شــفت شـيل بالحيل فقير أو اميـــر
كما شــالوا في الخماميـر فواضـي القزايز
عجبي !!
::::::::::::::::
أنــا كنت شــــئ و صــبحت شـئ ثم شــئ
شـــوف ربنــا .. قادرعلي كل شـــــــئ
هــز الشـــجر شـــواشيه ووشوشني قال :
لابـــد ما يموت شــئ عشــان يحيــا شـئ
عجبي !!
:::::::::::::::::
يا مشرط الجراح أمانة علـــــــــــيك
و انــت ف حشــايا تبـــص من حواليــك
فيــه نقطة ســـوده في قلبي بدأت تبان
شـــيلها كمان .. و الفضــل يرجع إليك
عجبي !!!
:::::::::::::::::
كيف شــفت قلبي و النبي يا طبيــــــب
هـمد و مــات و الا سامع له دبيــــــب
قاللي لقيته مختنق بالدمـــــــــــوع
و ما لوش دوا غير لمســـه من إيد حبيب
عجبي !!!!
::::::::::::::::
تسلم يا غصــن الخـوخ يا عود الحطـــــــــب
بييــجي الربيع .. تطلــــــــــع زهورك عجب
و انا ليه بيمضـــــــــــي ربيع وييجي ربيع
و لسـه برضـك قلــــــــــــــبي حتـة خشــب
عجبي !!!
Al_maroof- نائب مدير
- منتدي عبير الاسلام
مساهماتي : 14235
نقاطي : 22524
تسجيلي : 30/10/2011
مزاجي : محتسب وحامد لربي
رد: ــ[ رباعيات صلاح جاهين ]ــ
قلبــــي عليـل يا ناس و في الكـــاس دواه
مديـــت له إيــدي شــربت م اللي حــــواه
جنبــي الشمـال خف .. اليميـــن اتــــوجع
و إيه يداوي الكبد م اللي كـــــــــــواه
عجبي!!
::::::::::::::::
.. دي مزكــرات و كتبتها من ســـــــــنين
في نوتة زرقا لون بحور الحنيــــــــــــن
عتــرت فيـها .. رميتها في المهمـــــــلات
وقلت صــحيــح أما صــحيــح كلام مخبــولين
عجبي !!
:::::::::::::::::
دخل الشــتا وقفل البيبان ع البـــيوت
وجعــل شــعاع الشــمـس خيــط عنكبـوت
وحاجــات كتير بتموت في ليــل الشــتا
لكن حاجــات أكتــر بتـرفض تمــــــوت
عجبي !!
::::::::::::::
الدنيـــا من غيــر الربيــع مــــــــيته
ورقة شــجر ضــعفـــانه و مـــفـــتــتــه
لا يـــا جـدع غلطـــان تــــأمل وشـــــوف
زهر الشـتا طالع فــــــــي عز الشـــــتا
عجبي !!!
::::::::::::::::
ياللـــي انــت بيتــك قش مفروش بريـش
تقــوي عليــه الريح .. يصـبح ما فـيش
عـجبي عليــك حواليـك مخالب كـــــبار
و ما لكــش غيـر منقار و قادر تعيـــش
عجبي !!!!
::::::::::::::
ســـمعت نقطة ميــه جوه المحيـــــــط
بتقول لنــقطه ما تنزليش في الغويـــط
أخاف عليــكي م الغرق .. قلـــــت أنا
ده اللــي يخاف م الوعد يبـــقي عبيـط
عجبي !!!
:::::::::::::::
بــحر الحيــاه مليان بغرقي الحيــاه
صـــرخت خــش الــموج في حلقي مـــلاه
قــارب نجــاه .. صـرخت قالوا مفيــش
غيـــر بــس هــو الحب قارب نجــــاه
عجبي !!!
::::::::::::
فـارس وحيـــد جـوه الــدروع الحديــد
رفرف عليــه عصـــفور وقـال له نشيــد
منـــين .. منين.. و لفين لفين يا جدع
قــال من بعيـــد و لســه رايح بعيــد
عجبي !!
::::::::::::::::
كـان فيــه قـمر كأنــه فـرخ الحمـام
عــلي صــغره دق شــعاع شـــق الغمام
أنــا كــنت حاضــر قلت له ينصــــرك
إشــــحال لما حتبــقي بــدر التـمام
عجبي !!
::::::::::::::::::
النــهـد زي الفهـــد نــط اندلع
قلبي انهبــش بين الضلوع و انخلع
ياللي نــهيت الـبنت عـن فعلهــا
قــول للطبيــعة كمان تبــطل دلع
عجبي !!!
:::::::::::::::
صــوتــك يا بـنت الإيــه كأنه بدن
يـرقـص يزيــح الـهم يــمحي الشجن
يــا حلوتي و بدنـــك كأنـــه كلام
كــلام فلاســـفه سكروا نسيوا الزمن
عجبي !!!!
:::::::::::::::::
كربـــاج سعــــــاده وقلبي منه اجلـد
رمـح كأنــه حصـــان و لــف البــــلد
و رجــع لي نــص الليل و سألني .. ليه
خــجـلان تــقول انــك ســـعيد يا ولـد
عجبي !!!
::::::::::::::::
مزيــكة هادية الكون فيها انغـــــمر
وصـــيف و ليــــل و عقـد فـل و سـمر
يا هلتــــري الناس كلهم مبســــوطين
و يا هلتـــــري شايفين جمال القمر ؟
عجبي!!
::::::::::::::::::::::::
إنشــــد يا قلبي غنوتك للجمــــــــال
و ارقــص في صــدري من اليــمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــال
عجبي !!
::::::::::::::
آه لو انا و محبوب جزنا الفضـــــا
في سفينة وحدينا .. واشــيا رضـــا
ساعة صفا تعجبنا نرجع لهـــــــــا
و الهم قبل ما ييجي .. يبــقي مضـى
عجبي !!
:::::::::::::::
أنا إله الوجد رب الهيــــــــــــام
أضرب بســــهم الوهم وهم الغـــــرام
و هم الغرام من كتـر ما هو لذيـــــذ
رشــقت انا ف صـــدري جميـــع السهام
عجبي !!!
:::::::::::::::::::::
حدوتــه عن جعران و عن خنفســــــــــه
اتقابلوا جوا بعض ساعة مســــــــــــا
و لا قال لهم حد اختشـوا عيب حـــــرام
و لا حد قال دي علاقة متدنســــــــــــة
عجبي !!!!
::::::::::::::::::
ياللي عرفت الحب يوم و انطــــــــــــوي
حسك تقال مشتاق لنبع الهــــــــــــــوي
حسك تقول مشتاق لنبع الغـــــــــــــرام
ده الحب .. مــين داق منه قطره...ارتــوي
عجبي !!!
Al_maroof- نائب مدير
- منتدي عبير الاسلام
مساهماتي : 14235
نقاطي : 22524
تسجيلي : 30/10/2011
مزاجي : محتسب وحامد لربي
عبـــــــــــــــــــــــــــــــــــــــــــــير الإســـــــــــــــــــــــــــــــــــــــلام :: الاقسام الادبية والثقافية :: منتدي الادب والشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى